Wednesday, April 15, 2009

သင်ယူပါမည် Swimmology

လောက၌ မသိခြင်းများစွာရှိသည့် အထဲတွင် မိမိ မသိသေးသောအရာများစွာ ရှိပါလားရယ်လို့ ပြန်မသိခြင်း သည် အဆိုး ဝါး ဆုံးသော မသိခြင်းဖြစ်သည်….ဟုပိုင်းလော့ဆရာတော်ဘုရားဆုံးမဘူးပါသည်..။

ကျွန်မ ဓမ္မBlogger လောကထဲသို့ တရားဓမ္မမျှဝေရန် ဝင်ရောက်လာခဲ့သော်လည်း တကယ် တန်းကျတော့ မျှဝေမှုများကို ခံယူသူဖြစ်ရခြင်း ကို ပို၍မွေ့လျော်ခဲ့ပါတယ်..။ကျွန်မမသိသေးသော တရားဓမ္မများကို Blog များစွာသို့လည်ပတ်ဖတ်ရှုရင်း ကျေနပ်နှစ်သိမ့်ရပါသည်..။တရားအသိရင့်ကျက်ရပါသည်..။
ကျေးဇူးကြီးပေစွတကား။

Online ပေါ်မှ ဓမ္မပန်းဥယျာဉ်သည် အရောင်အသွေးစုံလင်သော…..အဆင်းအနံ့ပြည့်စုံသော …လှပဆန်း ကြယ်သော… အဘိုးတန်ပန်းမာလာ များစွာဖူးပွင့် နေပါသည်..။

ကျွန်မရဲ့ Dhamma Brother တစ်ဦးဖြစ်သူ Bliss ရဲ့ (The Bliss of Emancipation, ဝိမုတ္တိသုခ) စာ မျက်နှာ များ မှာ ကျွန်မ ဖတ်ရှုလိုသော တရားဓမ္မများစွာ ရှိနေတတ်ပါသည်..။ နှစ်သက်မိသော ဇင်ပုံပြင်များကို ဖော်ပြ ထားပါ သဖြင့်…ကျွန်မ ကြားဘူးနားဝရှိသော ဤSwimmology ပုံပြင် ရှိလို ရှိငြား တောင်း ဆိုခဲ့ရ ခြင်းဖြစ်ပါ သည်..။ အခုတကယ်ရရှိခဲ့ပါပြီ..။ကျေးဇူးအထူးပါ Bliss ရေ..။

ပုံပြင်လေးကို တတ်စွမ်းသမျှ မြန်မာမှုပြုရရင်တော့…သည်လိုပါ..။တစ်ခါက အဆင့်မြင့်ပညာ များစွာ တတ်ကျွမ်းထားသော ပါမောက္ခကြီးနှင့် စာ မတတ်သော သင်္ဘောသားအဘိုးအို..ပင်လယ်ခရီးသွားကြရင်း အပြန်အလှန်မေးခွန်းထုတ်ကြတာဖြစ်ပါသည်..။
ပထမတစ်ရက်မှာပါမောက္ခကြီးက (အဘိုးအို…ဘူမိဗေဒဆိုတာ သင်ဘူးပါသလား)…(ဆရာရယ် ကျွန်တော်က စာ မှမတတ်တာ..ဘယ်သင်ဘူးမှာလဲ)..။ (အဘိုးအို..သင်ဟာ မသင်ဘူးဘူးဆိုတော့ ဘဝရဲ့ လေးပုံတစ်ပုံဆုံးရှုံးသွားပြီ)…လို့ပြန်ပြောတော့..အဘိုးအိုဟာ အလွန်ဝမ်းနည်းသွားပါတယ်..။

ဒုတိယနေ့ရောက်တော့ပါမောက္ခကြီးကထပ်မေးပြန်ပါတယ်..(အဘိုးအို…မိုးလေဝသနဲ့ ဇလဗေဒဘာသာရပ်ကို သင်ယူဘူးပါသလား)..(မသင်ဘူးပါဘူးဆရာရယ် ကျွန်တော်ကစာမှမတတ်တာ)…ဒါဆို သင်ဟာ ဘဝရဲ့ တဝက်တိတိဆုံးရှုံးသွားပြန်ပြီလို့ပြန်ပြောပြန်တယ်..။အဘိုးအိုဟာ သူ့ရဲ့ဆုံးရှုံးမှုကို ဝမ်းနည်းခံစားရပြန်ပါတယ်..။

နောက်တစ်နေ့ရောက်တဲ့ အခါ ထပ်မေးပြန်ပါသေးတယ်..။(အဘိုးအို..သင် ဇီဝဗေဒကိုကော သင်ယူဘူး ပါသ လား)..(ဆရာရယ် မသင်ဘူးပါဘူး)…လို့နှိမ့်နှိမ့်ချချပြန်ဖြေပါတယ်..။သင်ဟာ ဘာ မှလည်း မတတ် ဘူးဆိုတော့ ဘဝ ရဲ့ လေးပုံသုံးပုံ ဆုံးရှုံးခဲ့ပါပကောလားလို့ပြန်ပြောပါသတဲ့..။ အဘိုး အို က လည်း ဝမ်းပန်း တနည်း ခံစား ရပြန် ပါတယ်..။

အဘိုးအိုက ပါမောက္ခကြီးကို ပြန်မေးခွန်းထုတ်ရမဲ့ စတုတ္ထနေ့ကို ရောက်ရှိလို့လာ ပါတယ်..။ငိုယိုပြီး အလျင် အမြန်ပြေးလာ တဲ့ အဘိုးအိုက မေးလာပါတယ်..(ပါမောက္ခကြီးသင် Swimmology သင်တတ် မြောက် ပါ လား …သင်ကြားဘူးပါလား)..မေးတဲ့ အခါပါမောက္ခကြီးက ရုတ်တရက် အံ့အားသင့်ပြီးတော့ မတတ် ကြောင်း ပြန်ပြောပါတယ်..။

သဘောင်္ဟာကျောက်ဆောင်ကို တိုက်မိပြီးမကြာခင်မှာ နစ်မြုပ်ပါတော့မယ်..ဝမ်းနည်းပါတယ်.................. ….. Swimmology တတ်ရင်တော့ အနီးအနားက ကျွန်းကလေးကိုရေကူးသွားနိုင်ပါတယ်.. မတတ်တဲ့သင်ဟာ ဘဝတစ်ခုလုံးဆုံးရှုံးရပါတော့မယ်.. တဲ့..။

သည်ပုံပြင်လေးကိုဖတ်ရှုပြီး ကျွန်မမှာ တွေးတောစရာများစွာ ရှိလာပါတယ်…..ဘဝရဲ့လေးပုံတစ်ပုံ ကိစ္စတွေ..လေးပုံသုံးပုံကိစ္စတွေကို အချိန်ပေးရင်းနဲ့ ဘဝတစ်ခုလုံးဆုံးရှုံးမဲ့ကိစ္စ တွေကို မသင်ယူခဲ့မိ တာ တွေရှိ နေခဲ့ ပါလားဆိုတာကိုပါ..။

နောက်တစ်ခုသတိထားဘို့ကတော့ ဆရာတော်ဦးဇောတိက ဟောကြားဆုံးမဘူးပါသည်..။အဲဒါကတော့ ကိုယ်သာလျင်သိသည်တတ်သည်….ကျန်သူများကိုယ့်လောက်မှမသိပါလားသနားပါတယ်..ဆိုပြီး သူတစ်ပါး အားနှိမ့် ချ..မိမိကိုယ်ကို မြှင့်တင်ပြောဆိုတတ်တာတွေ…သူများပြောတာကို လက်ခံလိုစိတ် မရှိတတ်တဲ့ စိတ်ဖောင်းပွမှု(Psychic Inflation) မဖြစ်ရလေအောင် သတိထားဘို့ပါ..။
ကိုယ်က တစ်ဆင့်မြင့်One Up ယူကာ (ငါလေနင့်ထက်သာတယ်နော် မေ့မထားနဲ့) သဘော သက်ဝင်တဲ့ စကားမျိုးတွေနဲ့ သူတစ်ပါးကိုတစ်ဆင့်နိမ့် One Down အမြင်နဲ့ ဆက်ဆံတတ်တဲ့လူ့သဘာဝကို ဆရာတော် ဘုရား ကဆုံးမထားပါတယ်..။

သည်ပုံပြင်လေးဟာ လောကီ ၊လောကုတ္တရာ နှစ်ဘက်လုံးဉာဏ်ချဲ့ထွင် လို့ အသုံးပြုနိုင်တဲ့ အခြေခံ အတွေး အခေါ်လေး ပေးခဲ့ပါတယ်..။

ကျွန်မ အဲဒီတုံးက သည်ပုံပြင်လေးကို ရချင်ခဲ့တာ ကတော့ကျွန်မ ကျောင်းမပြီးခင်ကာလ တွေမှာပါ။ခံစား ရတာ လေးကို စာပြန်ရေးချင်တဲ့အတွက် အထောက် အထားအတိအကျ ကိုးကားချင်လို့ပါ။

ကျွန်မ ကျောင်းက နောက်ကျပြန်လေ့ရှိတော့ Lab ထဲကို သန့်ရှင်းရေးလုပ်တဲ့ ရုရှ အမျိုးသမီးကြီးနဲ့ မကြာခဏ တွေ့ခဲ့ ဖြစ်ပါတယ်..။ရောက်လာတိုင်းဆုံတွေ့ စကားပြောဖြစ်ခဲ့ပါတယ်..။သည်နေရာမှာ သူက ပါမောက္ခလို ကျွန်မကအဘိုးအိုလို ဖြစ်ခဲ့ရတာပါ..။

သူ့ အမြင်မှာတော့..lab ထဲမှာ ညဉ့်နက်တဲ့အထိ ဟိုပုလင်းဒီပုလင်း နဲ့ အလုပ်ရှုပ်နေတဲ့ အာရှ အမျိုးသမီးကျွန်မ ကို အထင်ကြီးဟန်မတူပါ..။တစ်ခါတစ်ခါ..နှင်းတောထဲမှာ စမ်းတစ်ဝါးဝါးလမ်းလျှောက်ပြန်သွားတဲ့ကျွန်မကို သူက ကားပေါ်က လက်ပြနှုတ်ဆက်တတ်ပါသေးတယ်..။

ကျွန်မက အီတလီစကားပြော သင်္ခန်းစာ စာအုပ်ကို ဖတ်နေတာလည်းသူမြင်ပါတယ်..။တစ်နေ့တော့သူ က ကျွန်မ ကို အင်တာဗျူး ပါတော့တယ်..။သူဆိုရင်တဲ့ အီတလီရောက်တာ၁၀နှစ်ကျော်ပြီ…နင့်လို မဖတ် နေပါ ဘူးတဲ့..အီတလီ ဘာသာ ကို လက်ဖဝါးမှာ ရေးပြီးအလုပ်ထဲမှာပြောလိုက်တာပဲ…တဲ့ သူ့အတွက်တော့ အလွယ်လေးတဲ့..။ကျွန်မကလည်းတော်လိုက်တာလို့ ချီကျူးစကားပြန်ပြောပါတယ်..။သူဝမ်းသာသွားပါတယ်..။

နောက်တစ်ခါ…ကျွန်မကွန်ပျူတာသုံးနေပြန်တော့လည်းမေးပြန်ပါတယ်…နင် ဘယ်လောက်ရလို့ သည် လောက် ကြိုး စားနေရတာလည်းမေးပြန်ပါတယ်..။ကျွန်မကလည်းကျွန်မရဲ့ လစာကို အမှန် အတိုင်း ပြောပြတဲ့ အခါ အလုပ်သုံးမျိုးလောက်ရှိတဲ့သူ့ဝင်ငွေက ကျွန်မထက် သုံးဆများနေပါတယ်..။ကျွန်မက လည်း ထပ်ချီးကျူးပြန်ပါ တယ်..။

သည်လိုနဲ့ သူနဲ့ ကျွန်မ ရင်းနှီးလာတော့သူ့ဘဝကို ကျွန်မကိုဖွင့်ပြောပြလာပါတယ်..။သူသည် ကျွန်မရဲ့ကျောင်းနဲ့ ကီလိုမီတာ၅၀ ဝေးကွာသော မြို့ လေးမှာနေတာပါတဲ့..။နေထိုင်ခွင့် Stay ရဘို့သာ သန့်ရှင်းရေးအလုပ်ကို လုပ်တာတဲ့…တစ်ပတ်သုံးရက်သည်ကိုလာဘို့ သုံးရတဲ့ ဓာတ်ဆီခ က လခရဲ့ သုံးပုံ နှစ်ပုံ သုံးခဲ့ရတယ်..တဲ့။

အိမ်မှာကားသုံးစီးရှိကြောင်းပြောပြချိန်မှာတော့ ကျွန်မအား သနားသံလေးစွက်နေပါသေးတယ်..။သူ့ရဲ့ သားနဲ့သမီးကို ရုရှမှ သည်ကို ခေါ်ထားနိုင်ပြီး..အီတလီတက္ကသိုလ်များတွင်ပညာ သင်ပေး ထား ကြောင်း ပြောပြတဲ့ အခါ…ရောဂါသည်သား အားအဝေးမှာထားရသော ကျွန်မအတွက် စာမတတ် သောအ ဘိုးအိုပမာ …အမှန်တကယ်ဝမ်းနည်းခဲ့ရပါသည်..။

သူသည် Swimmology အမှန်တကယ်ကျွမ်းကျင်ပါပေတယ်လို့ ကျွန်မချီးကျူးမိပါတယ်..။ကျွန်မ ဘဝမှာ Teaching နဲ့ Learning နှစ်မျိုးသာတတ်ကျွမ်းခဲ့သူမို့ ကျွန်မ…မကျွမ်းကျင်ခဲ့သော..မစွမ်းဆောင်ခဲ့နိုင်သော..ဘဝကို ထူထောင်နိုင်သော အစွမ်းသတ္တိ ရှိပါပေတယ်လို့တကယ် လှိုက်လှိုက်လှဲလှဲ ချီးကျူးခဲ့ခြင်းသာ ဖြစ်ပါတယ်..။

သူ့ကို ကျေးဇူးတင်မိတာတစ်ခုတော့ရှိပါတယ်..။ ကျွန်မရဲ့ အားနည်းချက်ကို အကြောင်းပြုပြီးကျွန်မသည် လောကုတ္တရာ Swimmology ကို လေ့ကျင့်သင်ယူဘို့ အခြေအနေပေးနေတယ်ဆိုတာကို စဉ်းစားဖြစ်ခဲ့ မိပါတယ်….။တကယ်လည်းသင်ယူလေ့ကျင့်ဖြစ်ခဲ့ပါတယ်..။ကျေးဇူးတင်ပါတယ်..နာတာရှာ…ရေ..။

သူနဲ့ကျွန်မ နှစ်ယောက်တတ်မြောက်တဲ့ ဘယ်သူ့ Swimmology က ပိုမြင့်မြတ်ပါတယ်..ဒုက္ခဘေးမှ ကင်းဝေး စေပါ တယ်ဆိုတာ ကိုတော့ နာတာရှာ အားကျွန်မ မပြိုင်ဆိုင်လိုပါ..။

ကျွန်မပြောလိုသည်ကတော့ ဘဝရဲ့ လေးပုံသုံးပုံမဆုံးရှုံးမဲ့ကိစ္စတွေ အတွက် အချိန်များစွာ ပေးနေကြသလို ဘဝတစ်ခုလုံးဆုံးရှုံးမသွားစေမဲ့ Swimmology ကို လူတိုင်းအချိန်ပေးလေ့ကျင့်ကြမယ်ဆိုရင် သည် စာရေး မိတဲ့ ကျွန်မ ဝမ်းသာမိမှာ အမှန်ပါ..။

5 မှတ်ချက်ရေးရန်:

အလှတရား said...

နှိမ့်ချတတ်လိုက်တာ

လှိုက်လှဲစွာသာဓုခေါ်ဆိုသွားပါတယ်ခင်ဗျာ။

သစ္စာအလင်း said...

ပြုလိုသေးသောသုတေသန....ကို ဖတ်ပြီးကတည်းကလေးစားနေပါတယ်..ကိုလွမ်းဝေ..။
ဖတ်ရှုဝေဖန်ပေးတာကိုကျေးဇူးအထူးတင်ပါတယ်..။

Unknown said...

အန်တီရေ..
အဖိုးဖြတ်မရတဲ့ ရေးသားထားမှုလေး တစ်ခုပါပဲ။ ဒီလိုအကြောင်းလေးကို သီတဂူဆရာတော်ကြီး ဟောတဲ့ တရားတပုဒ်ထဲမှာ နာကြားခဲ့ဖူးပါတယ်။ အဲဒီတရားဟာ သားအတွက် သဒ္ဓါ ၀ိရိယတွေ တိုးစေခဲ့ပါတယ်။
အန်တီ အခုရေးထားတာဖတ်လိုက်ရတော့ ပိုပြီး သတိဖြစ်စေခဲ့ပါတယ်။ ကျေးဇူးပါ အန်တီ။

ကျန်းမာချမ်းသာစွာဖြင့် ရည်မှန်းချက်ပန်းတိုင်ကို လျောက်လှမ်းနိုင်ပါစေ...

The Bliss Of Emancipation said...

အစ်မရေ။ ကျွန်တော့်တင်လိုက်တဲ့ပုံပြင်က အစ်မအတွက် အသုံးတည့်သွားတဲ့အတွက် ၀မ်းသာပါတယ်ဗျာ။

သစ္စာအလင်း said...

မှန်ပါတယ် Bliss ရေ...
အမမှာ...ပညာရှိသူတော်ကောင်းတွေနဲ့ပေါင်းသင်းခွင့်ရတော့
လည်းအကျိုးစီးပွားတွေသာ ထပ်မံပွားစည်းနေပါတော့တယ်....။
အမက ဆရာကြီးဦးဂိုအင်ကာတရားစခန်းမှာ ညတိုင်းနာယူရတဲ့ ဆရာကြီးရဲ့ Discourses ကြားခဲ့ဘူးတာပါ..။
အဲဒီမှာတော့ Oceanography,Meteorology and Marine Biology လို့ပါတာပေါ့...ဒါပေမဲ့ အတွေးကလိုရင်းပါ။
နောက်တစ်ခုလည်းအမရေးချင်သေးတယ်..။
Don't look down the defilements, they will laugh at you ဆိုတာကိုလေ...။
ဆက်ရေးပါအုံး အမအတွက် အထောက်အပံ့ကောင်းတွေချည်းပဲမို့ကျေးဇူးတင်နေမိပါတယ်...။