Sunday, April 5, 2015

လူသားတို့အား ထုဆစ်ပုံဖေါ်ခြင်း (၂)



လူသားတို့အား ထုဆစ်ပုံဖေါ်ခြင်း (၂)
===========================================
ကျွန်မ ရဲ့ ဓမ္မမိတ်ဆွေ အမ တစ်ဦး ကပြောပြ ချက်အရ သူ့ရဲ့ သမီးလေး က အခုခေတ် လူငယ်တွေ ဖြေဆိုလေ့ရှိကြတဲ့ လန်ဒန် ကလက်မှတ်ရတဲ့ စာမေးပွဲ မှာ အဆင့်မြင့်မြင့် ထူးထူးချွန်ချွန် ရွှေတံဆပ်များရသည့်တိုင် အောင်မြင်ထားတယ်လို့ ကျွန်မ သိထားပါတယ်..။ တရားစာသင်တန်း ရဲ့ တစ်ရက် မှာ သူပြောတာနားထောင်ကြည့်လိုက်တော့ သူ့သမီးက Hot Pot စားချင်လို့ သူ့ကို လုပ်ကျွေးခိုင်တယ်တဲ့..။ Hot Pot ကုန်ကျစရိတ် ရဲ့ တစ်ဝက်ကို သူ့သမီးကပေးသတဲ့..။အကုန် တော့မပေးဘူးတဲ့ သူက တစ်ဝက်ပဲစားမှာမို့တဲ့..။ သူက ကူလုပ်သလားဆိုတော့ လည်း မလုပ်ဘူးတဲ့..။ အမေ ကို စားသောက်ဆိုင်မှာ ဟင်းပွဲ မှာ သလို ပြုမူဆက်ဆံ သော ထူးချွန် သည့်ကလေး သည် သူစံထားအပ်သော ၊ မြတ်နိုးရိုသေအပ်သော နေရာ တွင် မိခင်သည်ရှိမနေအောင် မည်သူမျှသင်ကြား ပေးထားပါ သလဲ ။… ကျွန်မ စိတ်ထဲကမေးမိပါတယ်..။
ဤသို့သော မျိုးဆက်သစ် များအဘယ်မျှ များနေပြီလဲ ကျွန်မ မသိပါ..။
အနောက်တိုင်းမှာ ပညာရေးဆိုတာ..ဗဟုသုတ ရစေရန်..ကျွမ်းကျင်မှု ရစေရန်..အခြားသူတို့ သိစရာတတ်စရာများရရှိရန်..ထိုသို့ ရရှိခြင်းအားဖြင့် အသက်မွေးဝမ်းကျောင်းပြု ရန်လို့ ရည်ရွယ်လေ့ရှိကြ ပါတယ်..။
ကျွန်မ တို့ တတိယ ကမ္ဘာနိုင်ငံ တွေဟာ စားသုံးခြင်း အဓိက ၀ါဒ နောက် ကို လိုက်တဲ့ အခါ ပညာရေးစနစ်တွေဟာ အနောက်တိုင်းပညာရေး ကို ကူးချ တဲ့ ဒုတိယတန်းစား မိတ္တူ တွေ ဖြစ်လာခဲ့ပါတယ်..။ ရေတိုကိုသာကြည့်တတ်သော ၊ အတ္တ ကို ဗဟိုပြုအတွေးအခေါ်များရှိသော ၊ မိမိရိုးရာဓလေ့များနှင့် အမြော်အမြင်များ ၊ ဥာဏ်ပညာများနှင့်ကင်းကွာသော သူများ ကို မွေးထုတ်တယ်..။
ပညာရေး ကိုအခြားတစ်ဘက် မှကြည့်သော (Adam Curle) ကတော့
• ပညာရေးသည် လူတစ်ယောက်တွင်ကိန်းနေသည့် မမြင်ရသည့်သတ္တိများကို ဆွဲထုတ်သော သင်ယူခြင်းလုပ်ငန်း စဉ်ဖြစ်သည်။ ထိုသင်ယူခြင်းလုပ်ငန်းစဉ်တွင် မိမိအကြောင်းမိမိ သိရှိလာစေလျက် မိမိကိုယ်ကိုကို တည်ဆောက်ခြင်းကို ကူညီလေသည်* လို့ ဆိုပါတယ်..။
Adam Curle ရဲ့အမြင်ဟာ ဗုဒ္ဓ၀ါဒ ပညာရေး အမြင်နဲ့ တူပါတယ်။ ဗုဒ္ဓ၀ါဒ ပညာ သင်ကြားခြင်း( Buddhist Pedagogy) သည် ပညာနှင့် ဘ၀ကို ခွဲခြားမပစ်ခဲ့ ။ ဗုဒ္ဓ၀ါဒီတို့ အဘို့ ပညာရဲ့ ရည်ရွယ်ချက် ဆိုတာ မသိခြင်း အဝိဇ္ဇာ မှ လွတ်မြောက် ရန်ဖြစ်ပါတယ်..။ ဗုဒ္ဓရဲ့ သင်ကြားခြင်း မှာ ပညာအပိုင်း၊ အကျင့်သီလအပိုင်း ၊ တည်ကြည်ခြင်း (သမာဓိ) အပိုင်း ဆိုပြီး ၃ ပိုင်းပါဝင်ပါတယ်..။
ပညာဆိုတာ အရာဝတ္ထု တို့ ရဲ့ အပြန်အလှန်မှီခိုခြင်း (အညမည) ကို သိမှတ်ခြင်း ဖြစ်ပါတယ်..။ ပညာဓမ္မစစ် ဆိုတာ ဘက်လိုက်မှုမရှိပဲ ပကတိရှိသည့်အတိုင်း အဖြစ်မှန်ကို နားလည်ခြင်းဖြစ်ပါတယ်..။ ပညာကိုရရှိပြီး တဲ့နောက်မှာ ထိုပညာကို ကရုဏာ နဲ့ တွဲပါတယ်..။ ထိုအခါ မှာ လူသူလေးပါးအားကူညီခြင်း သည် အကြင် ပုဂ္ဂိုလ် ရဲ့ မဆုံးနိုင်သော Mission ဖြစ်လာ ပါတော့တယ်..။
ဗုဒ္ဓ ပညာရေး အလို အရ ဥာဏ်ပညာနှင့်အတူ ခံစားမှု ဝေဒနာ များသည်အတူဖြစ်ပေါ်ပါတယ်..။ ထိုအချက်ကို လူ့အဖွဲ့အစည်းနှင့် ကိုက်ညီအောင်အသုံးပြရန်ဖြစ်ပါတယ်..။
ပညာရေး သည် တစ်ကိုယ်ကောင်းဆန်ခြင်း ဘက်လိုက်ခြင်း ကင်းလျက် ဘ၀နှင့်လောက ကိုနားလည်အောင် ကူညီရန်ဖြစ်ပါတယ်..။
ဗုဒ္ဓ ပညာရေး သည် ငြိမ်းချမ်းစွာ နေတတ်သော စရိုက်ကို မွေးမြူစေပါတယ်..။ ကရုဏာထားခြင်း ၊ နှိမ့်ချခြင်း ၊ပေးကမ်းခြင်း ၊ သတိထားခြင်း ၊ အမြော်အမြင်ရှိခြင်းအားဖြင့် ဘ၀ကို ရင်ဆိုင် သောသတ္တိများရရှိစေပါတယ်..။ ထို့ အတူ ပဲ တစ်ဘက်က တိုက်ခိုက်လာမဲ့ Structural Violence (စနစ်အားဖြင့် အဓမ္မပြုခြင်း)၊ Threatening (ချိမ်းခြောက်ခြင်း) ၊ မလုံခြုံခြင်း Insecurity တို့ ရဲ့ ဒီရေ ကို လျှော့ကျစေ ပါတယ်..။
ကျောင်းသား တို့ ရဲ့ အသိပညာအခြေခံ အုတ်မြစ်အတွက် မူလတန်း နှင့်အထက်တန်းတွေ မှာ လေ့ကျင့်ခြင်း ၊ သင်ပေးခြင်း တို့ကို လုပ်ပေး ရမှာပါပဲ..။ တက္ကသိုလ် အဆင့်မှာတော့ သင်ပေးဘို့ မဟုတ်ပဲ ကိုယ်တိုင်ပညာရှာရန် ဦးစားပေးဖြစ်သင့်ပါတယ်..။ တက္ကသိုလ် ဆိုတာ ရှာဖွေရန်နေရာဖြစ်ပါတယ်..။
ဒီစာအုပ်ကို ရေးတဲ့ အာဂျန်ဆူလတ် Dr. Sulak Sivaraksa က သူတို့နိုင်ငံ ရဲ့ ပညာရေးကို ဝေဖန်ထောက်ပြတာ ကျွန်မတို့ စိတ်ဝင်စားစရာ ဖြစ်ပါတယ်..။
ရှေးရှေးတုံးက ထိုင်းနိုင်ငံပညာရေး ဆိုတာ ဗုဒ္ဓ၀ါဒ အဓိက ဘာသာဖြစ်တဲ့အတွက် ဘ၀ကိုပျော်ပျော်ရွှင်ရွှင်နေတတ်ရန် သင်ပေးပါတယ်..။ ဇွဲရှိခြင်း ။ မိတ်ဆွေ ဖွဲ့ခြင်း ၊ မျှတခြင်း နှင့် ယုံကြည်မှုသဒ္ဓါ ရှိခြင်း အားဖြင့် ပျော်ရွှင်ခြင်းကို ရအောင်လုပ်ပါတယ်..။
လယ်သမား များက ကိုယ်ဝတ်ရန်အ၀တ်အထည်ကို ကိုယ်တိုင် ရက်လုပ်နေချိန်မှာ ၊ အတူနေအိမ်သားများ ၊ ရွာသားများသည် သီချင်းဆိုမယ် ။ သူတို့ကို အားပေးရန် အိုးစည် ဒိုးပတ်တီးတယ် ။ လယ်ထွန်လျှင်လည်း သီချင်းဆိုကြတယ် ။ ရသည့်သီးနှံများကို အိမ်နီးချင်းများ ရဟန်းတော်များသို့ ပေးပို့ သည် လှူဒါန်းသည်။ လှပခြင်း ကို ဘ၀နေထိုင်ပုံ မှာရက်လုပ်ပါတယ်..။ ဥတုရာသီ၊ စည်းနရီ နှင့် လှပခြင်း ကို ထည့်သွင်း ပါတယ်..။
အခုတော့ထိုင်း လူမျိုးတွေ ဟာ ထိုသို့ အဓိပ္ပါယ်ရှိသော ဘ၀ နှင့် ဝေးခဲ့ပါပြီ..။ ခေတ်ကာလ အခြေအနေတို့ ဟာ ရိုးရာဓလေ့တို့ကို အမြစ်မှ နှုတ်ပစ်ခဲ့ပါပြီ..။ Shopping Mall တွေက ဘုန်းကြီးကျောင်းများကို ရပ်သူရွာသား တို့ စုဝေးရာနေရာ အဖြစ်မှ ဖယ်ရှား ပစ်ခဲ့ပါတယ်..။
အထက်တန်းလွှာ နှင့် အလယ်အလတ် တန်းလွှာ လူတန်းစားတို့ ဟာ စားသုံးခြင်းအဓိက ၀ါဒ Consumerism မှာ သက်ဝင်ယုံကြည်ပြီး အဘိုးတန် သယံဇာတများကို ကုန်ခမ်းစေခဲ့ပါတယ်..။ သဘာဝကိုညစ်ညမ်းစေခဲ့ပြီ..။
အထက်တန်းပညာရေး က ပါဝါရှိသူတို့ထံပါး တွင် အလုပ်လုပ်မဲ့သူတွေကိုမွေးထုတ် ခဲ့ပါပြီ..။သနားကြင်နာတတ်သော ..တာဝန်သိသော ပြည်သူပြည်သားများကို မွေးထုတ်မပေး ပါ။
ပါဝါစင်တာ သည် ဓမ္မ မှ ခွာပြီး ဗဟိုဘဏ် ကို ရွေ့ခဲ့ပါတယ်..။ ဗဟိုဘဏ်ဆိုတာကလည်း ချမ်းသာသူတို့ရဲ့ ကလပ်သာဖြစ်၍ နိုင်ငံတကာ ကော်ပိုရေးရှင်း တို့ ၀င်ရောက်ရာဂိတ်စောင့်သဖွယ် ဆောင်ရွက်ပါတယ်..။
စာရေးတဲ့သူ အာဂျန် ဆူလတ် ဟာ ငြိမ်းချမ်းရေး နိုဘယ်ဆု ဇကာတင်စာရင်းကိုအကြိမ်ကြိမ်အတင်ခံရသူ တစ်ဦး ဖြစ်ပါတယ်..။၁၉၉၅ ခုနှစ် မှာ ငြိမ်းချမ်းရေး နိုဘယ်ဆု နဲ့ အလားတူ သော The Right Livelihood Award ကိုရရှိခဲ့ ပါတယ်..။
အာဂျန် ဆူလတ် ဟာ ဗုဒ္ဓ ဘာသာ ရဲ့ လူမှုရေးဆောင်ရွက်ခြင်း ( လောကတ္ထစရိယ) ကို ပြန်လည် အသက်သွင်းရန် လုပ်ကိုင်နေကြတဲ့ လက်တစ်ဆုပ်စာ ကမ္ဘာ့ခေါင်းဆောင် ထဲမှာ တစ်ဦးအပါအ၀င် ဖြစ်ပါတယ်..။ကျွန်မ အားကျကြည်ညို တဲ့ ပညာရှင်တစ်ဦးလည်းဖြစ်ပါတယ်..။
ဗုဒ္ဓ ဘာသာ ရဲ့ နည်းနာ နိဿယ များကို အသုံးပြုလျက် ငြိမ်းချမ်းသော…ရေရှည် တည်တံ့သော လူမှုရေးပြောင်းလဲ မှု များ ကိုဆောင်ရွက် ရာမှာ တမူထူးသော ရှုမြင်ကွင်းကို ထင်လင်းပြစေတဲ့သူလည်းဖြစ်ပါတယ်..။
ကျွန်မ ကတော့ ကျွန်မ တို့ ရဲ့ လူ့အဖွဲ့ အစည်းမှာ မျိုးဆက်သစ်တွေကို အသုံးပြုလျက် ငြိမ်းချမ်းသော…ရေရှည် တည်တံ့သော လူမှုရေးပြောင်းလဲ မှု များ ကိုဆောင်ရွက် နိုင်စွမ်းရှိသူများအဖြစ်ပြုစုပျိုးထောင်ကြမှာလား ….။
စီးပွားရေးဖွံဖြိုးတိုးတက်မှု သက်သက် ကိုသာအာရုံစိုက်သော တိုးတက်မှု အညွှန်းကိန်းကို GDP ( Gross Domestic Product ) ဖြင့် တိုင်းတာသော လုပ်ငန်းများတွင် ပါဝင်နိုင်ရန် အရည်အသွေးများပြည့်စုံစေမည်လော ဆိုတာ…
.ကျွန်မ အပါအ၀င် တို့ ပညာရေး၊ကို တာဝန်ယူဦးဆောင်ကြ တဲ့သူတွေ လူသားအရင်းအမြစ်များကို ထုဆစ်ပုံဖော်ကြမည့်သူများ မိမိ ကိုယ်ကို ကို မိမိ မေးရမဲ့မေးခွန်းဖြစ်ပါတယ်..။
မေတ္တာဖြင့်
သစ္စာအလင်း
ဆက်လက် ရေးချင်ပါသော်လည်း မသေချာ သဖြင့် ခဏ ရပ်နားပါမည်..။
Photo Credit to : Spiritual Ecology

1 မှတ်ချက်ရေးရန်:

Moe Moe Saw Win said...

thitsaralin @ gmail.com ကို စာပေးပို့ထားပါတယ်ရှင်။ ကျေးဇူးပြုပြီး အကြောင်းပြန်ပေးပါနော်။